هذا هو حال التلاميذ في إعدادية أحمد بناجي بغسات ورزازات ذكورا و إناثا المستوى الإعدادي.

فاربريس

التلاميذ كايهزهوم الطرونسبور فالساعة السادسة صباحا و كايبقاو تال السابعة مساءا يعني تقريبا 13 ساعة و كايعانيو من أمور كثيرة من بينها :
-اللي غايقرا مع 4 دالعشية كايبقا حدا السور دالإعدادية من 6 و نص دالصباح تال 4 دالعشية عاد كايدخل يقرا و اللي عندو مثلا ساعتين الصباح كايقراها و كايجلس تما تال 7 دالعشية باش يجيبو الطرونسبور .
-التلاميد كايديو الغدا ديالهم و الماء و كايبقاو مكرفصين تما نهار كامل.
-فيهم أيضا بنات كايجلسو برا المؤسسة و كايبقاو معرضين للخطر “هاد النقطة مامحتاجاش تفصيل”.
-التلميذ كايوصل مورا المغرب للدار مسخسخ ماغايبقاش عندو الجهد لا للمراجعة لا ل تاحاجة حيت كايجي عيان .
.
للعلم تدارت إجتماعات بخصوص هاد الموضوع باش يلقاو شي حل و لكن لحد الآن ماكاين والو.
تنبيه : الصورة من نفس المؤسسة العام الماضي و نفس المشكل.
.
بالنسبة للدراري ديال الإبتدائي تاهوما عندهم مشكل و هو الإكتضاض فالنقل المدرسي كاتلقا تقريبا أكثر من 8 أطفال لا يتراوح عمرهم 7 سنوات واقفين فالزنقة ديال الطرونسبور.
.